Barcelona u rikthye te suksesi në kampionat teksa mposhti në shtëpi me rezultatin 2-0, Real Sociedad. Katalanasit iu falën golave të Lamine Yamal dhe Raphinha, ndërsa Robert Lewandowski mbeti i pakënaqur jo vetëm për arsye se nuk e gjeti rrugën e rrjetës, por edhe për zëvendësimin me Ferran Torres në minutën e 76.
I pyetur rreth këtij episodi pas ndeshjes, trajneri Xavi Hernandez theksoi se iu desh të mendonte në të mirë të skuadrës pavarësisht mërzitjes së çastit nga sulmuesi polak.
“Lewandowski u zëvendësua për arsye taktike, por edhe sepse ka luajtur shumë ndeshje. Kishim nevojë për më shumë freski në fushë. Unë e kuptoj reagimin e Lewandowskit, por ishte një ndeshje me shumë sakrificë dhe ai shpenzoj shumë.
Edhe mua nuk më pëlqente kur më zëvendësonin, por duhej të mendoja për të mirën e skuadrës. Duhej të bënim presion lart, që kërkon një fizik të freskët. Ishte zëvendësim taktik, nuk ka asgjë personale. Unë mendoj vetëm në të mirën e kolektivit”, u shpreh Xavi Hernandez./SS
Von der Leyen arrin në Tiranë, pritet nga Rama
Disa studentë të universitetit paralel të Mitrovicës protest...
Liga e Kampionëve e “mbushur” me futbollistë shqiptarë, dhje...
Meta përplaset me prokurorët e SPAK-ut në sallën e gjyqit
Hezbollahu goditi shtëpinë e plazhit të Benjamin Netanyahut,...
Konjufca priti në takim të rinjtë e Shkollës Diplomatike